Առողջություն

Գազարի հյութի օգտակար հատկությունները

Գազարը պարունակում է այնպիսի առողջարար տարրեր, ինչպիսիք են` բետա-կարոտինը, ֆալկարինոլը, վիտամին A-ն, հանքանյութերը և հակաօքսիդանտները: Justnaturallife կայքը ներկայացնում է պարզ և հրաշալի բաղադրատոմս, որը կօգնի լավացնել առողջությունն ու երկարացնել կյանքը:


Բաղադրություն

2 սմ երկարությամբ կոճապղպեղ
4 գազար
3 խնձոր
Կես կիտրոնի հյութ
Պատրաստման եղանակը

Խառնեք բոլոր բաղադրիչները հարիչով այնքան, մինչև համասեռ զանգված ստանաք: Ըմպելիքը խմեք առավոտյան դատարկ ստամոքսին՝ թարմ պատրաստված:

Կոճապղպեղն ունի խոլեստերինը նվազեցնող, ստամոքսի բակտերիաները սպանող հատկանիշներ: Այն դրական կերպով ազդում է աղիքային ֆլորայի վրա, հանգստացնում է բորբոքումները, գլխացավերն ու միգրենը:

Գոյություն ունեն հազարավոր օգտակար հատկանիշներ, որոնցով օժտված է գազարը: Այն նվազեցնում է խոլեստերինի մակարդակը, կանխարգելում է սրտի կաթվածը, բուժում որոշ տեսակի քաղցկեղները և այլն: Այն նաև լավացնում է տեսողությունը, իսկ մաշկը դարձնում է փափուկ և հարթ:


Խնձորը լավացնում է իմունիտետը, օգնում ազատվել ավելորդ կիլոգրամներից, լավացնում է լյարդի և երիկամների աշխատանքը: Այն նաև կանխարգելում է բերանի խոռոչի հիվանդությունները, նվազեցնում սթրեսը, հոգնածությունն ու վերացնում անքնությունը, պաշտպանում է սիրտն ու արյունատար անոթները:

Կիտրոնն ունի մի քանի օգտակար հատկանիշներ: Այն օրգանիզմից դուրս է բերում տոքսինները, նվազեցնում արյան բարձր ճնշումը, ունի հակաբակտերիալ հատկանիշներ և օգնում է հարբուխի դեպքում: Ավելին, այն պաշտպանում է բերանի խոռոչը: Կիտրոնը լավացնում է իմունային համակարգը և կանխարգելում ինֆեկցիաների զարգացումը:

Կիսվեք ձեր ընկերների հետ։

Կարծիքներ


Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր կանոներին։ Արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Առաջին.am-ն իրավունք է վերապահում ջնջել մեկնաբանությունները` նշված կանոնները խախտելու դեպքում: