ԱԺ-ն երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավորների կողմից ներկայացված օրենքի նախագիծը, որով առաջարկվում է ամսական նվազագույն աշխատավարձը 55 հազար դրամից դարձնել 68 հազար դրամ:
Պատգամավորներ Վարազդատ Կարապետյանի, Բաբկեն Թունյանի և Նարեկ Զեյնալյանի առաջարկած «Նվազագույն ամսական աշխատավարձի մասին» և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքներում փոփոխություններ կատարելու մասին օրենքների նախագծերի փաթեթը երկրորդ ընթերցմամբ ընդունվեց միաձայն՝ 100 կողմ ձայներով:
Պատգամավորները սկզբնապես առաջարկել էին ամսական նվազագույն աշխատավարձը բարձրացնել մինչև 63 հազար դրամ: Սակայն հարցը կառավարությունում քննարկելուց հետո գործադիրն առաջարկել էր նվազագույն աշխատավարձը դարձնել 68 հազար դրամ: Արդյունքում ԱԺ տնտեսական հարցերի հանձնաժողովն առաջարկը քննարկելուց հետո կողմ էր քվեարկել նվազագույն աշխատավարձը 68 հազար դարձնելու տարբերակին:
Ամսական նվազագույն աշխատավարձը 68 հազար դրամ դարձնելու դեպքում կբարձրանան մոտ 57 հազար պետական ծառայողների և մասնավոր հատվածի մոտ 130 հազար աշխատողների աշխատավարձերը: Կարապետյանը վստահեցրել էր՝ ծախսերի ու հարկերի ազդեցության հանրագումարի արդյունքում պետական բյուջեի վրա մաքուր ազդեցությունը 2 մլրդ դրամից չի անցնի:
Օրենքը ուժի մեջ է մտնելու 2020 թվականի հունվարի 1֊ից
Նվազագույն աշխատավարձը բարձրացավ. ԱԺ-ն ընդունեց օրենքի նախագիծը
14:13, 2019-11-19 | 
Հասարակություն | 
Մարիամ Սարգսյան | 
718
loading...
ԱՅՍ ԹԵՄԱՅՈՎ
Շուշանն ու Վահեն հուղարկավորվել են նույն օրը՝ կողք կողքի։:
15:35, 2020-10-28
Հակառակորդի կողմից ՀՀ սահմանի թիրախավորման կադրեր:
15:10, 2020-10-27
Այս պահի տվյալներով Ադրբեջանում կա 17 հայ ռազմագերի. ՔԿ պաշտոնյա:
14:15, 2020-10-27
Ազգային ժողովը նոր պատգամավոր ունի:
11:08, 2020-10-27
Բացառել սմարթֆոնների կիրառումը:
10:33, 2020-10-27
Մեզ բոլորիս շատ հայտնի Իբրահիմը նաև երգում է։Տեսանյութ:
15:47, 2020-10-22
Կարևոր լուր զոհված կամ վիրավոր զինծառայողների հետ կապված:
22:53, 2020-10-21
